ပစိဖိတ်တောင်ပိုင်း ကျွန်းစု နိုင်ငံတွေထဲက Cook Islands ရဲ့ မြို့တော် Rarotonga မှာ ပစိဖိတ်ကျွန်းစု ၁၆ နိုင်ငံရဲ့ ထိပ်သီးအစည်းအဝေးကို တက်ရောက်နေတဲ့ အမေရိကန်နိုင်ငံခြားရေးဝန်ကြီး ဟီလာရီကလင်တန်က ပစိဖိတ်
ဒေသမှာ လူမှုရေး၊ စီးပွားရေးနဲ့ နိုင်ငံရေး နယ်ပယ်တွေမှာ
ကျားမ မခွဲခြားဘဲ တန်းတူညီမျှ ရှိရေးကို တောင်းဆို
လိုက်ပါတယ်။
ဒီဒေသမှာ အမျိုးသား အမျိုးသမီး တန်းတူ ညီမျှ ဖြစ်ရေး နှေးကွေးနေတာကို ထောက်ပြတဲ့ ပစိဖိတ်ကျွန်းစု ၁၆ နိုင်ငံခေါင်းဆောင်တွေနဲ့ ၀န်ကြီးကလင်တန် တို့ရဲ့ ပူးတွဲ ကြေညာချက်တစောင် ကို မနေ့က
စက်တင်ဘာလ ၁ ရက်နေ့မှာ ထုတ်ပြန်ခဲ့ပြီးတော့ အမျိုးသမီးတွေအပေါ် အကြမ်းဖက်မှု၊ အမျိုးသမီး
တွေရဲ့ စီးပွားရေး အလုပ်အကိုင် အခွင့်အလမ်းတွေ ကန့်သတ်ခံရမှုနဲ့ ပစိဖိတ်ဒေသ နိုင်ငံတွေ
က ဥပဒေပြု လွှတ်တော်တွေမှာ အမျိုးသမီးတွေ ပါဝင်ရေး စတဲ့ အရေးကြီးတာတွေ ဆောင်ရွက် သွားကြဖို့ သတိပြုခဲ့ကြပါတယ်။
ဒီဒေသဟာ ကမ္ဘာပေါ်မှာ အမျိုးသား အမျိုးသမီး ခွဲခြား ဆက်ဆံမှု အခြေအနေ အနိမ့်ဆုံးအဖြစ် တည်ရှိနေသေး
တယ်လို့ ဒီကြေညာချက်မှာ ဖော်ပြထားပါတယ်။ Cook Islands ကျွန်းစုနိုင်ငံ အပါအ၀င် အင်ဒိုနီးရှား၊
တရုတ်၊ ဘရူနိုင်း၊ အရှေ့တီမောနဲ့ ရုရှား နိုင်ငံတွေကိုလည်း ၀န်ကြီး ကလင်တန် ခရီးဆက်မှာ ဖြစ်ပါတယ်။
Cook Islands ပြီးရင်တော့ အင်ဒိုနီးရှား နိုင်ငံကို အရင်ဆုံး သွားရောက်မှာ ဖြစ်ပါတယ်။ ဂျကာတာ
မြို့တော်မှာ အမေရိကန်-အင်ဒိုနီးရှား လက်တွဲ ဆောင်ရွက်မှု အစီအစဉ်တရပ်ကို အင်ဒိုနီးရှား ခေါင်းဆောင်
တွေနဲ့ ၀န်ကြီးကလင်တန်ဆွေးနွေးကြမယ်လို့ အမေရိကန် နိုင်ငံခြားရေး ၀န်ကြီးဌာန အရာရှိတွေက
ပြောပါတယ်။
