တရုတ် လုံကရောက်စခန်းမှ ပြောင်းရွှေ့ခဲ့သော ကချင်ဒုက္ခသည်များ အကူအညီလိုအပ်နေ

တရုတ်-မြန်မာနယ်စပ် မံစီမြို့နယ် ခခေ (Hka Hkye) ကျေးရွာ အစွန်းတွင်ရှိသော ကချင်ဒုက္ခသည် စခန်းတွင် အစားအသောက် အခက်အခဲကြုံတွေ့   နေကြောင်း စခန်းတာဝန်ရှိသူများပြောသည်။ ၎င်း ဒုက္ခသည် စခန်းသည် မံစီမြို့နယ်တွင်ရှိပြီး အခြား   ကျေးရွာ မြို့များနှင့် ဝေးသော သီးသန့် ဒုက္ခသည် စခန်း ဖြစ်ပြီး အကူအညီလိုအပ် နေခြင်းဖြစ်   ကြောင်းသိရသည်။

 

ယခုချိန်ထိ ခခေ (Hka Hkye) ဒုက္ခသည်စခန်းတွင် မည်သည့်အဖွဲ့အစည်းများမှ ကူညီထောက်ပံ့ မှု ရောက်မလာ သေးကြောင်း ဒုက္ခသည်စခန်းမှ 
တာဝန်ရှိသူ ဦးဒွဲလာ (Salang Doi La) ကပြောသည်။ “စက်တင်ဘာ ၁ ရက်နေ့တော့ တရုတ် ခရစ်ယာန် အသင်း ကဆိုပြီး ဆန်အိတ် ၄၀ လာပေးထားတယ်။ အဲဒါပဲ ရသေးတယ်။ ဖြစ်နိုင်သလိုပဲ စားနေတယ်။ 

ဒီတောက အရွက်တွေပဲရှာ စားနေတယ်။ ဆီတွေလည်းမစားရဘူး။ ဘယ်အဖွဲ့ကအကူအညီမှမရသေးဘူး။
အခက်အခဲ  က အများကြီးပဲ စခန်းတွေကိုလည်း ကောင်းကောင်း မဆောက်ယူရသေး ဘူး။ ကျောင်းကို
လည်း ခေတ္တပဲဆောက်ယူထားတယ်ဆိုတော့ကျောင်းသားတွေလည်း ပြွတ်သိပ်နေတာပဲ။ ကျောင်းလည်း
 ဆောက်ယူရအုံးမယ်။” အဆိုပါဒုက္ခသည်စခန်းသည် တရုတ် ဖက်ခြမ်း နောင်တောင်း ခရိုင်တွင် ခိုလှုံရာမှ
ပြောင်းရွှေ့ရသော လုံကရောက် (Lung Krawk) စခန်းမှ ဒုက္ခသည်များ ဖြစ်ပြီး လနာ့ဇွပ်ဂျာ (Lana ZupJa) 
သို့ မပြောင်း ရွှေ့လိုသောကြောင့် ယခင်စခန်းနှင့် မျက်နှာချင်းဆိုင် နယ်စပ်ဖြစ်သော မြန်မာပြည် ဘက်ရှိ ကမ်းတ   လျှောက်တွင်စခန်းများဆောက်ကာ ပြောင်းရွှေ့နေထိုင်နေကြခြင်းဖြစ်ကြောင်းသိရသည်။

လုံကရောက် ဒုက္ခသည်စခန်းတွင် အိမ်ထောင်စု ၇၀၊ လူဦးရေ ၃၂၄ ဦး၊ စာသင်ကျောင်းကို မူကြိုမှ ဒုတိယတန်း ထိဖွင့်ထားကာ ကျောင်းသူကျောင်းသားများ ၃၅ ယောက်ရှိရာ ဆရာမ ၂ ဦးမှ သင်ကြားပေး နေကြောင်း သိရသည်။

ယခုကဲ့သို့ အကူအညီမဲ့ အချိန်ကြာရှည် ရပ်တည်မည်ဆိုလျင် ဒုက္ခသည်စခန်းမှ ကလေးများနှင့် မိခင်များ အတွက် အဟာရချို့တဲ့ကာ ကျမ်းမာရေးထိခိုက်မည်ကို စခန်းတာဝန်ရှိသူများက စိုးရိမ်နေကြသည်။